Mohabbat Ki Zamanat by Sana Sufyan Khan Complete PDF

"اچھا نہیں کیا میرے ساتھ۔۔! بالکل بھی اچھا نہیں کیا؛ معاف نہیں کرونگی، آپ چاہے میرے سامنے ناک رگڑیں گے تب بھی نہیں۔۔!!" وہ بےبسی سے آنکھیں اپنی ہتھیلی سے رگڑتے بڑبڑاتے ہوئے خود کو پرسکون رکھنے کی کوشش کر رہی تھی لیکن سکون تو جیسے کہیں کھو سا گیا تھا۔۔

وہ بےچینی سے اپنی مٹھیوں کو بھینچتے اٹھ کر ادھر اُدھر چکر لگا رہی تھی۔۔ کسی طور سکون محسوس نہیں ہو رہا تھا۔۔ تبھی دروازہ پر کھٹکا ہوا تھا اور وہ دروازہ کھول کر اندر داخل ہوا تھا۔۔ 

دونوں کی نظروں کا زوردار تصادم ہوا تھا، ایک کی آنکھوں میں بےیقینی، بےبسی، درد، کیا کچھ نہیں تھا جبکہ دوسرے کی آنکھوں میں اپنا کھویا وجود، اپنا آپ پالینے کی چمک تھی۔۔ وہ دو قدم آگے بڑھا تھا، نظریں اس پری پیکر پر ٹکی ہوئی تھی، جو آج سجی سنوری اس کے دل کو ڈگمگانے پر مجبور کر رہی تھی۔۔ لیکن جیسے ہی اس نے ماہم کے چہرے کو غور سے دیکھا تھا دل ایک پل کے لئے دھڑکنا بھول گیا تھا۔۔

وہ آنکھوں میں آنسوں لیے بےیقینی سے اسے دیکھ رہی تھی، چہرہ غصّہ سے خطرناک حد تک سرخ ہوا تھا۔۔ وہ خود کو ملامت کرتے ہوئے اس کی طرف بےساختہ بڑھا تھا۔۔ لیکن وہ پیچھے ہٹنے کے بجائے ساکت سی کھڑی تھی چہرہ ہر احساس سے آری تھا۔۔

"اس پورے علاقے کی آن، بان اور شان۔۔! دی گریٹ سردار عون عباس جعفری ایک معمولی سی ماہم سکندر کو اپنی انگلیوں پر نچا کر اسے بیوقوف بنا کر اندر تک شاد و آباد ہو گئے ہونگے۔۔ سردار سائیں جشن منائیں آج، کیونکہ جشن منانا بنتا ہے۔۔!!" وہ خطرناک تیور لئے اسے گھورتے ہوئے پھنکاری تھی۔ بےبسی کے احساس سے ایک آنسو ٹوٹ کر اس کے گالوں کی زینت بنا تھا۔۔ 

اس کا یہ انداز اور آنسوں دیکھ کر سردار عون عباس جعفری کا دل تڑپتا ہوا قلابازی کھاتا باہر نکلنے کو بےتاب ہوا تھا۔ وہ بےاختیار اس کی طرف بڑھتا اس کی ہتھیلیوں کو اپنے مضبوط ہاتھوں میں نرمی سے جکڑتے ہلکا سا جھٹکا دیا تھا۔ وہ کسی لچکدار ڈالی کی طرح اس کی بانہوں میں آ سمائی تھی۔۔

"معمولی نہیں۔۔ بہت ہی خاص ہیں آپ ماہم عون عباس جعفری۔۔! آپ کو تکلیف پہنچانے کے بارے میں سوچتے ہی عون عباس جعفری مر جائے گا۔۔!!" وہ بےاختیار اس کے چہرے کو اپنے ہاتھوں کے پیالے میں بھرتے اس کے آنسوؤں کو اپنی انگلیوں کی پوروں سے صاف کیا تھا۔۔

 Novel Name : Mohabbat Ki Zamanat 

Writer Name : Sana Sufyan Khan

Category :Complete Novel,Most Romantic Novel, Cousin Based Novel After Marriage Story,Revenge Based Novel 

Must read and give feedback ,

click the link below to download free online novels pdf or free online reading this novel.

Click Here To Download Link; 

Complete Download Link